ქართველები, სომხები და რუსები, საჭიროების შემთხვევაში,
სამხედრო-პოლიტიკურ დახმარებას სხვადასხვა ქვეყნებისგან ელოდებიან.
საქართველოს ყველაზე მეტად აშშ-ს დახმარების იმედი აქვს, სომხეთს - რუსეთის,
ხოლო რუსი მოსახლეობის უმრავლესობას - ბელარუსის.
 
საქართველოში, სომხეთსა და რუსეთში ჩატარებული გამოკითხვის ფარგლებში, თითოეულ ქვეყანაში, მონაწილეობა მიიღო 1200-მა რესპონდენტმა. მათ უპასუხეს კითხვას, საჭიროების შემთხვევაში, რომელი ქვეყნებისგან მოელიან სამხედრო-პოლიტიკურ დახმარებას.
 
გამოკითხვის შედეგების მიხედვით, სომხეთი და რუსეთი სამხედრო-პოლიტიკურ დახმარებას დსთ-ს ქვეყნებისგან მოელიან, ხოლო საქართველოს ევროკავშირში და დსთ-ში შემავალ ქვეყნებზე მეტად, სხვა ქვეყნების დახმარების იმედი აქვს (იხილეთ გრაფიკი #1).
 
HotGphhttUwpma1 geo
 
უფრო კონკრეტულად კი, საქართველოს შედეგებით, ქვეყანა, რომლისგანაც შეიძლება მან საჭირო სამხედრო-პოლიტიკური დახმარების მიღება შეძლოს, არის აშშ (48%). შესაბამის სიტუაციაში ქართველებს უკრაინის დახმარების იმედიც აქვთ (23%) (იხილეთ გრაფიკი #2).
 
სომხების დიდი ნაწილი (72%) სამხედრო-პოლიტიკურ დახმარებას რუსეთისგან ელის, 18%-ს კი მიაჩნია, რომ არცერთი ქვეყანა არ აღმოუჩენს სომხეთს მსგავს დახმარებას.
 
რუსი მოსახლეობის შეფასებით, სამხედრო-პოლიტიკური თვალსაზრისით საჭირო დახმარება რუსეთმა რამდენიმე ქვეყნისგან შეიძლება მიიღოს. უმეტესობა ასეთ ქვეყნებად ასახელებს ბელარუსს (32%), ჩინეთსა (24%) და ყაზახეთს (23%). მოსახლეობის დაახლოებით მეხუთედი (21%) ფიქრობს, რომ სამხედრო-პოლიტიკურ დახმარებას მათი ქვეყანა არავისგან მიიღებს.
HotGphhttUwpma2 geo

სიახლეები

ევროპელებთან შედარებით, ქართველები 6-ჯერ ნაკლებად ვარჯიშობენ

  • 2018-02-19

საქართველოში სპორტით/ვარჯიშით ორჯერ მეტი კაცია დაკავებული (26,8%), ვიდრე ქალი (13,5%) ფიზიკური ვარჯიში და სპორტი ამ სტატიის მთავარი თემაა. ჩვენ 500 ადამიანი გამოვკითხეთ და გავარკვიეთ, რამდენად ინტე...

რეგიონის ქვეყნებთან შედარებით, ქართველებს რუსეთში მუშაობა ნაკლებად სურთ

  • 2018-02-12

ქართველებისთვის დროებით მუშაობისთვის ყველაზესასურველი ქვეყნებია აშშ (18%) და გერმანია (15%). რეგიონში განხორციელებული კვლევის ფარგლებში, შესწავლილ იქნა რესპონდენტთა მოსაზრებები შემდეგ საკითხზე -...